Buxoroda noqonuniy diniy ta’lim berayotgan o‘quv markazi aniqlandi

Buxoro viloyati Peshku tumanida bolalar va kattalarga noqonuniy diniy ta’lim bergan shaxslar ushlandi. Bu haqda viloyat Ichki ishlar boshqarmasi axborot xizmati xabar berdi.

Qayd etilishicha, 31-yanvar kuni fuqaro S.Sh. va X.B.lar “Misvoh” o‘quv markazida arab tilini o‘rgatish bahonasida 9 nafar voyaga yetmagan yoshlar va 19 ta katta yoshdagi shaxslarga qonunga xilof ravishda diniy ta’lim berib kelayotgani aniqlangan. Bundan tashqari, fuqaro T.M. “Muslimalar” nomli virtual guruh tashkil qilib, 8 kishiga onlayn tarzda diniy ta’lim berayotgani aniqlangan.

O‘tkazilgan surishtiruv tadbirlari jarayonida, T.M. rasmiy hujjatlari bo‘lmagan holda arab tilini o‘rgatish bahonasida noqonuniy ravishda diniy ta’lim berib kelayotgani aniqlangan. Javobgar shaxslar tomonidan O‘zbekiston Oliy sudi tomonidan faoliyati taqiqlangan “Salafiylar” DEOning g‘oyaviy rahnamolaridan biri bo‘lgan “Sodiq Samarqandiy”ning ma’ruzalarini ijtimoiy tarmoqlar orqali tarqatib kelingani ham ma’lum bo‘lgan.

Mavzuga doir:

• Navoiyda noqonuniy diniy faoliyat bilan shug‘ullanib kelgan shaxs aniqlandi
• Farg‘onada 20 nafar fuqaroga noqonuniy diniy ta’lim berib kelgan shaxs 15 sutkaga qamaldi
• Toshkentdagi uyida 15 nafar voyaga yetmagan bolalarga noqonuniy ravishda diniy ta’lim berishda gumonlangan er-xotin aniqlandi