Buxoroda Nexia-2 ariqqa tushib ketdi (video)

Buxoro shahrida 4-fevral kuni Nexia-2 beton ariqqa tushib ketdi. Viloyat Ichki ishlar boshqarmasi holat yuzasidan munosabat bildirdi.

Ma’lum qilinishicha, soat 12:30 da uchta ko‘cha kesishgan aylanma harakatda haydovchi Nexia-2 boshqaruvini yo‘qotib, beton ariqqa tushib ketgan.

Holat yuz bergan vaqtda tansport vositasi salonida haydovchidan boshqa hech kim bo‘lmagan. Haydovchi hech qanday tan jarohati olmagan, transport vositasiga texnik zarar yetgan.
 

“Mazkur YTH yuzasidan Buxoro tumani IIB JXX YHXB xodimlari tomonidan surishtiruv harakatlari olib borilmoqda. Shu o‘rinda barcha haydovchilardan noqulay ob-havo sharoitida belgilangan qoidalarga qat’iy rioya qilishlarini so‘raymiz”, — deyiladi xabarda.