“Vagner” tashabbusi: Rossiyada ayol mahbuslarni urushga yollash boshlandi

“Vagner” guruhi yetakchisi Yevgeniy Prigojin qamoqdagi ayollarni urushga jalb qila boshladi. Bu haqda “Rus sidyashaya” jamg‘armasi rahbari, jurnalist Olga Romanova LRT.lt nashriga bergan intervyusida ma’lum qildi.

“Bizda mavjud ma’lumotlarga ko‘ra, ayollar allaqachon frontga jo‘natilgan, birinchi partiya dekabr oyining oxirida Krasnodar o‘lkasidan olib ketilgan. Ammo ularning kelajakdagi taqdiri haqida hali hech narsa bilmaymiz”, — deydi jurnalist.

Romanova ularning jamg‘armasiga qamoqdagi ayollardan urushga yo‘llanishlariga qarshilik ko‘rsatish uchun xatlar kelayotganini ta’kidlaydi. Yangi yildan so‘ng Checheniston qamoqxonalarida “Vagner” guruhiga mahbuslarni yollash boshlangan.

Checheniston shunday ekstraterritorial tuzilmaki, u yerda nima bo‘layotganini hech kim bilmaydi. Siyosatchilarni urushga olib ketishadi deb o‘ylamayman, chunki Qodirovning raqiblari zindonlarda o‘tiribdi”, — ta’kidladi jurnalist.

Romanovaning ta’kidlashicha, Checheniston Rossiyaning ko‘ngillilar, yollanma askarlarni yollash amalga oshirilmagan so‘nggi hududi edi.

“Chechenistondagi qamoqxonalardan urushga yollashga ruxsat berilgani Prigojin va Qodirov o‘rtasidagi shaxsiy kelishuv mavzusi. Prigojin chechen hokimiyatini ozod qilishga hissa qo‘shadi va, albatta, Qodirov ‘Vagner’ni odamlar bilan ta’minlaydi”, — deydi u.

Mavzuga doir:

• Rossiyada ayol mahbuslarni Ukrainadagi urushga yuborish taklif qilindi
• Qodirov Chechenistondan 300 nafar OMON jangchilari urush zonasiga jo‘nab ketganini ma’lum qildi
• “Vagner” guruhi Ukrainadagi urushga 40 000 mahbus yuborgani ma‘lum qilindi