Madridning “Real” klubi hujumchisi Kilian Mbappe Ispaniya La Ligasi 1-turidan o‘rin olgan “Osasuna”ga qarshi o‘yindan (1:0) so‘ng o‘zining yangi raqami haqida fikr bildirdi.
Futbolchi 10-raqam haqida berilgan savolga hazil tariqasida javob berdi:
Yangi raqam? Umid qilamanki, har mavsum raqam o‘zgartirishga to‘g‘ri kelmaydi (kulib). Biz yaxshi o‘yin ko‘rsatdik, deb o‘ylayman. Albatta, hali ishlashimiz kerak bo‘lgan jihatlar bor. Bu mavsumning ilk uchrashuvi edi, shuning uchun biroz qiyinchilikka duch keldik, deb hisoblayman. Lekin o‘z o‘yinimizni yaxshilashda davom etamiz, — dedi Mbappe o‘yin yakunlanganidan keyingi intervyusida.
Eslatib o‘tamiz, Mbappe bu yozda “Real”dagi raqamini o‘zgartirib, 10-raqamni tanladi. U avvalgi mavsumda 9-raqam ostida harakat qilgan edi. Yozgi transfer oynasi davomida Luka Modrich jamoani tark etdi va uning raqami Mbappega berildi.
Ma’lumot uchun, Ispaniya La Ligasining birinchi turida “Real” “Osasuna”ni 1:0 hisobida mag‘lub etdi. O‘yindagi yagona golni Kilian Mbappe penaltidan kiritdi.
Izoh (0)