Fransiya poytaxti Parijda 69 yoshli erkak ko‘chadan o‘tayotganlarga qarata o‘q uzdi. Bu haqda France Press xabar berdi.
Ma’lum qilinishicha, hodisada ikki kishi halok bo‘ldi, to‘rt kishi yaralandi. Voqea Rue d’Enghien ko‘chasida yuz bergan, bir necha marta o‘q ovozi eshitilgan. Otishma sodir etgan shaxs allaqachon politsiya tomonidan hibsga olingan.
Erkak nima sababdan bunday qilgani noma’lum. Parij politsiyasi fuqarolarni voqea joyiga bormaslikka chaqirmoqda. Shahar prokuraturasi qotillik va zo‘ravonlik bo‘yicha tergov boshlagan.
24-noyabr kuni Rossiyada noma’lum erkak “Slavyanskiy” savdo markazi yonida ko‘chadagi odamlarga qarata o‘q uzgandi. Otishma oqibatida to‘rt kishi halok bo‘lgandi.
Izoh (0)