Парижнинг Гаре ду Норд вокзалида пичоқ билан қуролланган эркак олти кишини пичоқлади. Бу ҳақда Al Jazeera хабар берди.
Франция темир йўллари миллий компанияси ҳужумчи ҳам жароҳат олгани ва воқеа жойидан эвакуация қилинганини маълум қилди. Эркак маҳаллий вақт билан соат 6:43да бир неча кишига, шу жумладан полициячига ҳужум қилган. Полиция бунга жавобан эркакка ўқ узган, у оғир аҳволда касалхонага олиб кетилган.
Яраланганлар орасида бир неча йўловчи ва полиция бор. хавфсизлик ходимини ўқ ўтказмайдиган жилет қутқариб қолган. Жароҳатланганлардан бири елкасидан оғир жароҳат олиб, тез тиббий ёрдамга олиб кетилган. Ҳужумчининг нима мақсадда бундай қилгани аниқ эмас. Франция 2015 йилдан бери давом этаётган қонли ҳужумлардан сўнг кучайтирилган хавфсизлик режимида қолмоқда.
Февраль ойида яна бир пичоқ билан қуролланган эркак Гаре ду Нордда хавфсизлик кучларига ҳужум қилган ва воқеа жойида ҳалок бўлганди.
Мавзуга доир: Парижда 69 ёшли эркак кўчадагиларга қарата ўқ узди. Қурбонлар бор (видео)
Изоҳ (0)