Rossiya Ichki ishlar vazirligi chet elliklar uchun qalbaki nikohlar yoki otalikni aniqlash orqali Rossiyada muhojirlik maqomini qo‘lga kiritish imkoniyatini yo‘q qilishga qaratilgan qonun loyihasini ishlab chiqdi, deb yozadi “TASS” idora vakili Irina Volkka tayanib.
“Hozirgi paytda Rossiya IIV tomonidan qalbaki nikohlar va otalikni soxta ravishda belgilash orqali chet el fuqarolari yoki fuqaroligi bo‘lmagan shaxslar tomonidan RF hududida muhojirlik maqomiga ega bo‘lishga yo‘l qo‘ymaslik maqsadida migratsiya qonunchiligini takomillashtirishga qaratilgan federal qonun loyihasi ishlab chiqildi”, — dedi Volk.
Uning qayd etishicha, ayni paytda qonun idoralararo kelishuv bosqichida turibdi. Uning so‘zlariga ko‘ra, 2022-yilning 11 oyi mobaynida IIV ilgari Rossiya fuqarosi bilan nikoh tuzgan chet elliklarga Rossiya hududida yashash uchun berilgan ruxsatnomalarni bekor qilish haqida 400 ga yaqin qaror qabul qilgan.
Amaldagi qonunchilikka muvofiq, xorijliklar yoki fuqaroligi bo‘lmagan shaxslar Rossiya fuqarosi bilan kamida uch yil nikohda bo‘lgan yoki oilada umumiy farzand bo‘lgan taqdirda, Rossiya fuqaroligiga soddalashtirilgan tartibda kirish uchun da’vogarlik qilishi mumkin.
Noyabr oyida Rossiya IIV Migratsiya masalalari bo‘yicha bosh boshqarmasi boshlig‘i Valentina Kazakova 2022-yil boshidan buyon qalbaki nikoh qayd etilishi bilan bog‘liq 220 ta holat aniqlanganini aytgandi.
Izoh (0)