Россия президенти Владимир Путиннинг Украинадаги уруш бўйича амбицияларини паст баҳолаш хавфли. Бу ҳақда НАТО бош котиби Йенс Столтенберг Норвегияда бўлиб ўтган бизнес конференция чоғида айтиб ўтди, деб ёзади Reuters.
«Улар йўқотишлар ва азоб-уқубатларга қаттиқ тайёр эканини намойиш қилди», — деди НАТО етакчиси.
Столтенбергнинг қайд этишича, ҳозирча Путин Украина можаросидаги мақсадларини ўзгартиришига ҳеч қандай белги йўқ.
2 январь куни Столтенберг НАТОга аъзо давлатлар Украинани узоқ муддатли қўллаб-қувватлашга тайёрланиши кераклигини, чунки Россия ён бериш ниятида эмаслигини айтганди. Унинг сўзларига кўра, Украина Қуролли кучларининг муваффақиятлари Киевнинг яқин орада ғалаба қозониши ҳақидаги «иллузяни яратмаслиги керак».
Шу билан бирга НАТО бош котиби Россия президенти Владимир Путин йўл қўйган иккита стратегик хатони санаб ўтганди.
Столтенбергнинг фикрича, Путин Украина халқининг жасорати ва Шимолий Атлантика альянси бирлигини паст баҳолаб, стратегик хатога йўл қўйган. НАТО бош котиби узоқ уришга тайёр бўлиш кераклиги ҳақида огоҳлантирган. У Россия президенти ҳарбий амалиётда муваффақиятсизликка учраганига қарамай, Россиянинг ҳарбий қудратини паст баҳолаш хато ҳисобланишини қўшимча қилган.
Изоҳ (0)