Janubiy Koreyaning Danuri orbital kemasi Oy va Yer yuzasini oq-qora suratga oldi. Bu haqda Koreya aerokosmik tadqiqotlar instituti Facebook’da xabar berdi.
Kadrlar 2022-yil 24-dekabrdan 2023-yil 1-yanvargacha Oydan 120 kilometr uzoqlikda olingan. Suratlarda Oy va Yer yuzalari aks etgan.
“Rasmlardan 2032-yilda Oyga qo‘nish mumkin bo‘lgan joylarni aniqlashda foydalaniladi”, — deyiladi xabarda.
Danuri har ikki soatda Oy atrofida aylanadi. U 2022-yil avgust oyida AQSHda SpaceX raketasidan Oyga uchirilgan. Orbital qurilma 2023-yilda ilmiy missiyasini boshlaydi.
Avvalroq NASA’ning noyabr oyida kosmosga uchirilgan yangi NOAA-21 sun’iy yo‘ldoshi Yerning yuqori aniqlikda suratga olgandi. Koinotdan olingan suratlarda Himolay va Tibet platosi, Karib dengizi, Kuba va Bagama orollarini ko‘rish mumkin.
Bundan tashqari NASA Yerning Oy bilan “bekinmachoq” o‘ynayotgani aks etgan videoni taqdim etgandi. Videodagi jismlarning harakati ularning fazodagi real tezligiga nisbatan 900 marta tezlashtirilgan.
Izoh (0)