Termiz shahri va tumanida 14—16-dekabr kunlari elektr ta’minotida cheklovlar bo‘ladi

“Termiz” podstansiyasida quvvati 40 000 kVA kuch transformatori o‘rnatilayotgani munosabati bilan 14—16-dekabr kunlari Termiz shahri va Termiz tumanining elektr ta’minotida vaqti-vaqti bilan cheklovlar bo‘ladi. Bu haqda “Hududiy elektr tarmoqlari” AJ viloyat hududiy filiali matbuot xizmati ma’lum qildi.

Vazirlar Mahkamasining 26-sentabrdagi “Qashqadaryo va Surxondaryo viloyatlari aholisining turmush darajasini yanada yaxshilashga doir qo‘shimcha chora-tadbirlar to‘g‘risida”gi 523-sonli qaroriga muvofiq Termiz shahrining asosiy qismi va Termiz tumanining ayrim mahallalarini elektr energiyasi bilan ta’minlovchi 110/35/6 kV “Termiz” podstansiyasidagi quvvati 20 000 kVA kuch transformatori katta yuklama bilan ishlab turgani, buning natijasida elektr ta’minotida uzilishlar kuzatilayotganini inobatga olgan holda yangi 40 000 kVA kuch transformatoriga almashtirish belgilangan.

Bugungi kunda yangi — quvvati 40 000 kVA kuch transformatori Termiz shahriga olib kelingan bo‘lib, uni o‘rnatish, montaj-demontaj qilish ishlari amalga oshirilmoqda. Shu munosabat bilan Termiz shahri va Termiz tumanining elektr ta’minotida 14-15-16-dekabr kunlari vaqti-vaqti bilan cheklovlar bo‘ladi.

Mavzuga doir:

• Poytaxt tumanlarida elektr kuniga 2 soatdan rejali tarzda o‘chiriladi (jadval)
• “Buxoro, Navoiy, Farg‘ona va Toshkentda 1485 ta mahalladagi xonadonlar kunning ma’lum bir vaqtida elektr ta’minotisiz qolgan” — Adminstratsiya rahbari