«Термиз» подстанциясида қуввати 40 000 кВА куч трансформатори ўрнатилаётгани муносабати билан 14—16 декабрь кунлари Термиз шаҳри ва Термиз туманининг электр таъминотида вақти-вақти билан чекловлар бўлади. Бу ҳақда «Ҳудудий электр тармоқлари» АЖ вилоят ҳудудий филиали матбуот хизмати маълум қилди.
Вазирлар Маҳкамасининг 26 сентябрдаги «Қашқадарё ва Сурхондарё вилоятлари аҳолисининг турмуш даражасини янада яхшилашга доир қўшимча чора-тадбирлар тўғрисида»ги 523-сонли қарорига мувофиқ Термиз шаҳрининг асосий қисми ва Термиз туманининг айрим маҳаллаларини электр энергияси билан таъминловчи 110/35/6 кВ «Термиз» подстанциясидаги қуввати 20 000 кВА куч трансформатори катта юклама билан ишлаб тургани, бунинг натижасида электр таъминотида узилишлар кузатилаётганини инобатга олган ҳолда янги 40 000 кВА куч трансформаторига алмаштириш белгиланган.
Бугунги кунда янги — қуввати 40 000 кВА куч трансформатори Термиз шаҳрига олиб келинган бўлиб, уни ўрнатиш, монтаж-демонтаж қилиш ишлари амалга оширилмоқда. Шу муносабат билан Термиз шаҳри ва Термиз туманининг электр таъминотида 14-15-16 декабрь кунлари вақти-вақти билан чекловлар бўлади.
Мавзуга доир:
Изоҳ (0)