Toshkent shahriga belgilangan iste’mol topshirig‘ini bajarish, ishlab chiqarishdagi texnologik jarayonlar to‘xtab qolishining oldini olish maqsadida poytaxtning barcha tumanlarida kuniga 2 soatdan navbat bilan elektr energiyasi o‘chiriladi. Bu haqda “Hududiy elektr tarmoqlari” AJ axborot xizmati ma’lum qildi.
Qayd etilishicha, havo harorati sovishi bilan energiya manbalariga ehtiyoj sezilarli ortib bormoqda, shu jumladan, elektr energiyasiga bo‘lgan talab ham. Umumenergotizimda katta avariyali holatlar sodir bo‘lishining oldini olish maqsadida dispetcherlik xizmatlari tomonidan iste’mol balansini saqlashga qaratilgan choralar ko‘rilishini taqozo qiladi. Shuningdek, soha xodimlari oldida turgan dolzarb masala aholi va ijtimoiy obyektlarni barqaror elektr energiyasi bilan ta’minlash bo‘lib, hududlarda bu borada tizimli ishlar olib borilmoqda.
Yuqori iste’mol vaqtlarida Toshkent shahriga belgilangan iste’mol topshirig‘ini bajarish, elektr energiyasini ishlab chiqarish va iste’mol qilish muvozanatini ushlab turish hamda iste’molchilar ta’minotida tartibsiz uzilishlarni bartaraf etish maqsadida faqat favqulodda holatda poytaxt hududlarida tuman hokimliklari bilan kelishgan holda elektr energiyasi ta’minotiga qisqa muddatli cheklovlar kiritiladi.
Ushbu cheklov grafigi faqat favqulodda, ob-havoning keskin sovib ketishi oqibatida avariya holatlarining oldini olish uchun iste’mol ortib ketgandagina amal qiladi.
Tarmoqlar, podstansiyalarda avariyalar, avariyalarni tiklash, rejaviy ta’mirlash ishlari olib borilganda hamda energotizimda favqulodda vaziyat yuzaga kelganda ushbu cheklov jadvallarida ko‘rsatilgan soatlardagi tarmoqlardan tashqari qo‘shimcha tarmoqlar o‘chiriladi va bu haqda xabar beriladi.
Izoh (1)
Bu ish juda yaxshi. Bu bilan yurdoshlarimiz o'zlarini ishlarini tartibga solishadi rejali bolishadi. Bu bilan davlatimiz ogir kundan chiqa olsa biz hammasiga tayormiz. Bu masalani "Lekin" degan tarafi ham bor. Boy boyga boqadi deganlaridek doimgidek viloyat va chekka hududdagi davlatimiz fuqorolari doimo qarovsz. Bizni konikishimiz bu bizni qoshtirnoq ichida kamsitish kerak degani emasku. Elektor uzilishi jadval asosida faqa poytaxt tumanlarga qilingani faqat poytaxtlik insonlar shu malum korsatuvda qatnashgani emasdi har holda. Bizni yani viloyatdagi yurtdoshlarimiz yana chetda qolishmoqda. Biz ham buni talab qilamiz. Talabimi biz elektor uzilishiga qarshi emasmi bizni ham odam qatorida korib ogohlantrishini yoki bolmasa jadval tayyorlab xalqga rlon qilishini talab qilamiz. Buni etiborsiz qoldrmaysz degan umiddaman.