“Buxoro, Navoiy, Farg‘ona va Toshkentda 1485 ta mahalladagi xonadonlar kunning ma’lum bir vaqtida elektr ta’minotisiz qolgan” — Adminstratsiya rahbari

Ayni vaqtda Prezident Adminstratsiyasi rahbari Sardor Umurzoqov ishtirokida aholiga gaz va elektr energiyasi yetkazib berish borasida yig‘ilish o‘tkazilmoqda.

Ma’lum qilinishicha, “O‘ztarnsgaz”ga qarashli kompressor stansiyalarida ham jiddiy kamchiliklar mavjud. Jami 37 ta agregatdan 21 tasi ta’mirtalab.

“Jo‘rabek Tursunpo‘latovich, Bekzod Raxmatullayevich Normatov barcha agregatlar zudlik bilan ishchi holatiga keltirilishi zarur. Nosoz agregatlar boshqa qurilmalar zo‘riqish bilan ishlashiga olib kelib, texnik nosozliklar kelib chiqishiga va iste’molchilarni barqaror tabiiy gaz bilan ta’minlash imkonini yo‘qqa chiqaradi.

Hududlarda yo‘l qo‘yilgan cheklov va yuz bergan avariyalar oqibatida elektr energiyasining uzilishi aholining e’tiroziga sabab bo‘lmoqda”, — deydi Adminstratsiya rahbari.

“Ulug‘bek Mustafayev respublika hududlarida avariyalarni bartaraf qilish bo‘yicha brigadalar soni ko‘paytirish va avariyalarni to‘liq bartaraf etish choralarini ko‘rsin.

Ko‘mir yetkazib berish ko‘rsatkichlari Qashqadaryo viloyatining Ko‘kdala (20 foiz) va Qarshi (38 foiz) tumanlarida hamda Navoiy viloyatining Karmana tumanida (22 foiz) ancha past darajada qolmoqda.

Sherzod Xodjayev, Erkin Yakubov, Xusniddin Xasilov ko‘mir yetkazib berish bo‘yicha tasdiqlangan yetkazib berish garfigi ijrosini qat’iy ta’minlasin”, — dedi Sardor Umurzoqov.