Bugun,

  • USD 11095.31
  • RUB 173.84
  • EUR 10772.44

AQSH hukumati Hellfire raketalari o‘rnatilgan Grey Eagle MQ-1C ko‘p nishonli uchuvchisiz uchar qurilmasini modifikatsiya qilish imkoniyatini ko‘rib chiqmoqda, bu ushbu uskunani Ukrainaga yuborish imkoni bergan bo‘lardi, deb yozadi CNN rasmiy shaxslar orasidagi manbalariga tayanib.

Foto: Getty Images

Foto: Getty Images

Telekanal suhbatdoshlari aytishicha, kiritiladigan o‘zgartirishlar natijasida Ukrainaning ushbu dronlarni qo‘lga kiritish imkoniyati oshadi, chunki muhim texnologiyalar bilan jihozlangan har qanday drondan ayrilish xavfsizroq bo‘ladi. CNN’ning Kongressdagi manbasi ta’kidlashicha, ba’zi texnik “hiyla-nayranglar” qo‘llanilishi mumkin, ammo “bu narsalar vaqt talab qiladi va juda qiyin”.

Avvalroq AQSH prezidenti Jo Bayden ma’muriyati Kiyev va Kongress a’zolarining iltimoslariga qaramasdan, Ukrainaga ilg‘or uchar qurilmalarni yuborishdan bosh tortgani xabar berilgan edi.

Pentagon Grey Eagle MQ-1C dronlarining taqdim etilishi nizoning kuchayishiga sabab bo‘lishidan xavfsirab, Kiyevning so‘rovini rad etgan. Shuningdek, bu Moskva uchun AQSH Rossiya hududidagi pozitsiyalarni nishonga olishi mumkin bo‘lgan qurol-yarog‘ni yuborayotgani haqidagi signal bo‘lishi ham mumkin edi. Bundan tashqari, Vashington agar dronlar urib tushirilsa, ulardagi texnologiyalar o‘g‘irlanishidan tashvishlangan, biroq bu xavotirlar qaror qabul qilishda hal qiluvchi bo‘lmagan, deyiladi xabarda.

Grey Eagle undan ham mashhurroq bo‘lgan Predator dronining bir versiyasidir. Uning parvoz davomiyligi — 30 soatgacha. Dron razvedka uchun ham, zarbalar berish uchun ham ishlatilishi mumkin — unga sakkizta Hell fire raketalarini o‘rnatish mumkin.

Yozda WSJ AQSHning Rossiya Grey Eagle ilg‘or texnologiyalarini qo‘lga kiritishidan xavfsirayotgani haqida yozgandi. Amerika tomoni uni yetkazib berishni paysalga solishining yana bir sababi — Ukraina harbiylarini Grey Eagle’ni boshqarishga o‘rgatish zarurati bo‘ldi. Reuters ma’lumotlariga ko‘ra, gap Kiyevga to‘rtta Grey Eagle dronlarining taqdim etilishi haqida bormoqda. AQSH bungacha Ukrainaga Switchblade va Phoenix Ghost kamikadze dronlarini yetkazib bergan.

Izoh
Asosiy yangiliklar
Mahalliy
O‘zbekistonda 29-may kuni 39 darajagacha issiq bo‘ladi
Shou-biznes
“Xitoydan o‘ligim qaytadi deb qo'rqqanman”. Uch xil ovozda gapira oladigan xalqaro sirk ustasi, vayner Sherzod Mamadaliyev bilan suhbat (video)
Mahalliy
Xorazmda 3-sinf o‘quvchilariga behayo xatti-harakatlar qilgan 61 yoshli o‘qituvchi besh sutkaga qamaldi