Bugun,

  • USD 11095.31
  • RUB 173.84
  • EUR 10772.44

Turkiya poytaxti Anqarada AQSH Markaziy razvedka boshqarmasi (MRB) direktori Uilyam Byorns va Rossiya Tashqi razvedka xizmati (TRX) rahbari Sergey Narishkin o‘rtasida uchrashuv bo‘lib o‘tdi, deb yozadi CNN. Unda “Rossiya tomonidan yadro quroli qo‘llanilishi oqibatlari” muhokama qilindi.

Uilyam Byorns

Uilyam Byorns
Foto: Getty Images

“U Rossiya tomonidan yadro qurolidan foydalanilishi oqibatlari va ziddiyatning kuchayishi strategik barqarorlik uchun qanchalik xavfliligi  haqidagi xabarni yetkazmoqda”, — deya CNN’ga ma’lum qildi AQSH Milliy xavfsizlik kengashi vakili Byornsning ushbu uchrashuvdagi pozitsiyasini izohlar ekan.

Ukrainada nizoni tartibga solish masalasi ushrashuvda muhokama etilgani yo‘q, deb yozadi CNN. “Biz o‘zimizning bosh prinsipimizga qat’iy amal qilamiz: Ukrainasiz Ukraina haqida bir og‘iz ham gapirmaslik”, — deya ta’kidladi Milliy xavfsizlik kengashi vakili. Uning qayd etishicha, AQSH Byornsning Narishkin bilan uchrashuvi haqida Kiyevni oldindan xabardor qilgan.

CNN suhbatdoshiga ko‘ra, AQSH yadroviy eskalatsiyaga yo‘l qo‘ymaslik maqsadida Rossiya bilan aloqa kanallarini saqlab turishda davom etmoqda — uchrashuv ham ushbu strategiya doirasida bo‘lib o‘tgan.

The Wall Street Journal nashri bir hafta avval AQSH prezidentining milliy xavfsizlik bo‘yicha maslahatchisi Jo Sallivan Rossiya prezidenti yordamchisi Yuriy Ushakov va Rossiya Xavfsizlik kengashi kotibi Nikolay Patrushev bilan so‘nggi oylarda bir qator uchrashuvlar o‘tkazgani haqida xabar bergandi. Ushbu uchrashuvlarda ham, nashr ma’lumotlariga ko‘ra, Ukrainadagi vaziyatni tartibga solish emas, aloqa kanallarini ushlab turish muhokama qilingan.

7-noyabr kuni Ukraina prezidenti Vladimir Zelenskiy Rossiya bilan muloqot boshlash uchun Ukrainaning shartlarini ma’lum qilgandi. Ular esa Rossiyaga qo‘shib olingan hududlar qaytarilgan holda Ukraina hududiy yaxlitligining qayta tiklanishi, BMTga hurmat, barcha zararlarning qoplanishi, har bitta harbiy jinoyatchining jazolanishi va bu boshqa hech qachon takrorlanmasligining kafolatlanishidan iborat edi.

Rossiya prezidenti Vladimir Putin Ukraina bilan muzokaralarga shayligini bildirgan, ammo ular Rossiya shartlari bilan o‘tkazilishini aytgandi. Meduza manbalariga ko‘ra, Rossiya Ukrainaga yangi hujumga tayyorlanish uchun vaqtinchalik sulh tuzish istagida.

Izoh
Asosiy yangiliklar
Mahalliy
Bosh vazir va Toshkent shahar hokimi binolarning 1-qavatidagi kafe va do‘konlarni buzish bo‘yicha ko‘rsatma bergani rad etildi
Dunyo
Xalqaro bedarak yo‘qolganlar haftaligi, 20 ming dollarlik echki, qayta avj olayotgan denge epidemiyasi — 31-may suratlari
Dunyo
Rossiya, Ukraina va Belarus chegarasida joylashgan “Uch opa-singil” monumenti yonida portlash yuz berdi (video)