BMT Bosh assambleyasi Rossiyani Ukrainaga bostirib kirgani uchun moliyaviy javobgarlikka tortishga chaqiruvchi rezolyutsiyani qabul qildi, deb yozadi “TASS”.
Hujjat, xususan, yetkazilgan zararlar ro‘yxatini tuzish va reparatsiya (urushda ko‘rilgan zararralni qoplash uchun yengilgan va urush chiqishiga sabab bo‘lgan davlat tomonidan yenggan davlatga to‘lanadigan tovon)ni to‘lash mexanizmini ishlab chiqishni ko‘zda tutadi.
Rezolyutsiyani 93 ta mamlakat (shu jumladan, AQSH va barcha Yevroittifoq mamlakatlari) qo‘llab-quvvatladi, 13 ta mamlakat qarshi chiqdi (shu jumladan, Rossiya va Xitoy), yana 74 tasi (shu jumladan, Braziliya, Hindiston, Serbiya, O‘zbekiston, Qozog‘iston, Qirg‘iziston, Tojikiston) betaraf qoldi.
Bu Ukrainada urush boshlanganidan keyin BMT Bosh assambleyasi tomonidan qabul qilingan, Rossiya tajovuzini qoralovchi beshinchi rezolyutsiyadir. Ushbu rezolyutsiyalar BMT Xavfsizlik kengashi qarorlaridan farqli ravishda, majburiy hisoblanmaydi.
Mavzuga doir:
- BMT Bosh assambleyasi Ukraina hududlarining Rossiya tomonidan bosib olinishini qoralovchi rezolyutsiyani qabul qildi. O‘zbekiston betaraf qoldi
- Rossiya BMT Xavfsizlik kengashida “referendum”ni qoralovchi rezolyutsiya loyihasiga veto qo‘ydi. Xitoy ovoz berishda betaraf qoldi
- Ukraina urushdan yetgan zarar uchun Rossiyadan 300 mlrd dollar tovon puli undirmoqchi
Izoh (0)