Zambiya Tashqi ishlar vazirligi Moskva chekkasidagi qamoqxonalardan birida qamoq jazosini o‘tayotgan fuqarosi Ukrainadagi urushda halok bo‘lganini ma’lum qildi. Bu haqda BBC rus xizmati xabar berdi.
TIV bayonotiga ko‘ra, 23 yoshli Lemexani talabasi Natan Nyirenda 22-sentabr kuni Ukrainada jang maydonida halok bo‘ldi. Uning jasadi hozir Rostovda va tez orada Zambiyaga yuboriladi. Zambiya Tashqi ishlar vazirligi uning qanday jinoyat uchun ayblanganiga aniqlik kiritmadi, biroq 2020-yil aprelida u 9,5 yil qamoq jazosiga hukm qilinganini xabar qildi. Bungacha Nyirenda Moskva muhandislik-fizika institutida yadroviy inshootlarni loyihalashni o‘rgangandi.
Voqealarning ayanchli rivojlanishi fonida Zambiya Rossiya hukumatidan Moskvada qamoq jazosini o‘tayotgan fuqarosi Ukrainadagi urushga qanday jalb etilgani va halok bo‘lgani haqida zudlik bilan ma’lumot berishni talab qildi.
Ukrainada 9 000 ga yaqin rus askari halok bo‘lgan, ularning 150 dan ortig‘i safarbar etilganlardir. Rossiya harbiylashtirilgan bo‘linmalari tarkibida jang qilgan 47 mahbusning o‘limi ham tasdiqlangan.
Izoh (0)