Qirg‘iziston prezidenti Sadir Japarovning ma’lum qilishicha, 1-oktabrdan mamlakatda pensiyalar o‘rtacha 1,7 mingdan 3,4 ming somgacha oshiriladi (taxminan 225—450 ming so‘m). Bu haqda “Kommersant” xabar bermoqda.
Biz bu idealdan uzoq ekanini bilamiz. Ammo bugungi budjet imkoniyatlaridan kelib chiqib, fuqarolarimiz hayotini yaxshilash uchun hamma narsa qilyapmiz, — dedi Japarov.Qirg‘iziston Pensiya jamg‘armasining 2021-yildagi ma’lumotlariga ko‘ra, mamlakatda 617 350 nafar pensioner bor.
O‘rtacha pensiya miqdori 6 248 (taxminan 829 ming so‘m) somni tashkil etadi. Qirg‘izistonda yashash minimumi 5 840 (taxminan 775 ming so‘m).
So‘nggi o‘sish 2021-yil oktabr oyida amalga oshirilgan va 455 som ( taxminan 60 ming so‘m) ni tashkil qilgan. Yozda Qirg‘iziston Ijtimoiy jamg‘armasi yil oxirigacha pensiyalarni 50 foizga indeksatsiya qilish rejasini e’lon qilgandi.
Avvalroq O‘zbekistonda pensiya va nafaqa oluvchilar soni qanchaligi haqida xabar berilgandi.
Izoh (0)