O‘zbekiston banklarida maksimal foiz stavkasi 24 foizni, minimali esa 15 foizni tashkil etadi.
Aksariyat banklar yillik 22 foiz stavka bilan depozitlarni taklif qiladi. Shu yilning kuzida mamlakatning 29 ta bankida 10 oydan 3 yilgacha muddatga omonat ochish mumkin bo‘ladi.
2022-yil sentabr oyi boshida banklar tomonidan so‘m omonatlari bo‘yicha qanday foiz stavkalari taklif qilindi?
Banklarda milliy valyutadagi jismoniy shaxslar uchun omonatlar
Banklardagi milliy valyutada jismoniy shaxslarga beriladigan yuqori yillik foizdagi omonatlar to‘g‘risida sharh tayyorlandi.
Mazkur ma’lumot tuzishda omonat shartlari – yillik foiz stavkasi, omonat muddati, omonat minimal miqdori, shu bilan birgalikda to‘ldirish va qisman yechish imkoniyatlari kabi omillar inobatga olingan.
Hozirda 32 ta bankdan faqat 29 tasi milliy valyutada omonatlar taklif qilmoqda. “Uzagroeksportbank”, “Ravnaq bank”, “Hi tech bank” banklari tomonidan vaqtinchalik omonatlar taklif etilmayapti.
Natijalarga ko‘ra, jismoniy shaxslarga taklif etiladigan qulay yuqori foizlar bilan omonatlar bo‘yicha Top banklar orasidan joy egallagan banklar:
- “TBC Bank” — foiz stavkasi 23 foiz, omonat minimal miqdori 10 ming so‘m, omonat muddati 24 oy;
- “Anor bank” — foiz stavkasi 23 foiz, omonat muddati 13 oy, minimal miqdori 100 ming so‘m;
- “Agrobank” va “Universal bank” — yillik foiz stavka 23 foiz, omonat muddati 13 oy, minimal qiymati 500 ming so‘m;
- “Madad invest bank” — foiz stavkasi 24 foiz, omonat muddati 13 oy, minimal miqdori 1 million so‘m.
Kategoriyalarga ajratilganda, eng past stavkalar bo‘yicha omonatlarni qo‘yidagi banklar qabul qilmoqda:
- “Poytaxt bank” — foiz stavkasi 17 foiz, minimal miqdori 1 million so‘m, omonat muddati 36 oy;
- “Ipak yo‘li bank” — foiz stavkasi 17 foiz, minimal miqdori 1 million so‘m, omonat muddati 12 oy;
- “Orient finance bank” — foiz stavkasi 15 foiz, minimal miqdori 10 million so‘m, omonat muddati 10 oy.
Shuningdek, banklari tomonidan milliy valyutada jismoniy shaxslarga qulay omonatlar bo‘yicha eng baland stavkani “Madad invest bank” (24 foiz) taqdim etayotgan bo‘lsa, eng past stavka “Orient finance bank” (15 foiz) tomonidan taklif etilmoqda.
Aniqlanishicha banklarda omonatlarni qisman yechish yillik foiz stavkalarini o‘zgarishiga olib keladi.
Bundan tashqari, “Turkiston bank”, “Eron Soderat bank”, “O‘zKDB bank” tomonidan omonatlar mijozlar bilan kelishilgan holda qabul qilinadi.
Shu bilan birgalikda, ba’zi banklarda omonatlar bo‘yicha foiz stavkalari o‘zgargan bo‘lib -0,5 — +2,0 tashkil etdi.
Ma’lumotlar tijorat banklarining veb saytlaridan olingan bo‘lib omonat shartlari o‘zgarishi mumkin.
Maqolani tayyorlashda Iqtisodiy tadqiqotlar va islohotlar markazi ma’lumotlaridan foydalanildi
Izoh (0)