Rossiya tarkibidagi Tatariston Respublikasi musulmonlari diniy boshqarmasi (DUM) “Musulmonlar uchun bank kartalari” loyihasini ishlab chiqdi va tasdiqladi. Bu haqda DUM matbuot xizmatiga tayanib “TASS” xabar bermoqda.
Tatariston Musulmonlar diniy idorasi Ulamolar kengashi Ak Bars banki bilan birgalikda “Musulmonlar uchun bank kartalari” loyihasini ishlab chiqdi va tasdiqladi. Shariat me’yorlariga mos keladigan debet karta mazmunan bankning standart kartasiga eng yaqin hisoblanadi, — deyiladi matbuot xizmati xabarida.
Aniqlik kiritilishicha, yangi kartada hisobdagi pul foizsiz saqlanadi. Mijozlarning mablag‘larini hisobga olish alohida hisobvaraqlarda (bankning boshqa pul oqimlaridan alohida) amalga oshiriladi.
Bundan tashqari qo‘yilgan mablag‘lar shariat tomonidan taqiqlangan faoliyatni moliyalashtirish uchun ishlatilmaydi.
Kartalar kazino xizmatlari, qimor va lotereya biznesining har qanday muassasalari, alkogol va tamaki mahsulotlari sotiladigan ixtisoslashtirilgan do‘konlardagi tovarlar uchun to‘lov qilishga mo‘ljallanmagan.
Ushbu karta egalari bar va tungi klublarda to‘lay olmaydi, biroq cheklov restoran va kafelarga taalluqli emas.
Izoh (0)