Global oltin narxlari bir oylik eng past darajaga tushib ketdi

Federal rezerv tizimi (Fed) raisi Jerom Pauellning nutqidan keyin, oltin narxlari tushib ketdi. Bu haqda Bloomberg xabar bermoqda.  

Pauell o‘z nutqida AQSH markaziy banki tez orada pul-kredit siyosatini yumshatish o‘rniga, foiz stavkalarini oshira boshlashini taklif qilgan. 

Spot oltin 1 foizga arzonlab, unsiyasi 1 721 dollarni tashkil qildi. Bu 27-iyuldan beri eng past ko‘rsatkich bo‘ldi va Londonda 1 723 dollardan sotildi. 

Avvalroq Fed raisining nutqidan keyin dunyoning eng boy milliarderlari 30 mlrd dollardan ko‘proq mablag‘ yo‘qotgani haqida xabar berilgan edi. 

Pauellning bayonoti fonida AQSH fond bozori cho‘kdi. S&P 500 3,4 foizga tushib ketdi, bu iyun oyining o‘rtalaridan beri eng yomon ko‘rsatkichdir.

Microsoft, Amazon, Tesla va Alphabet aksiyalarini o‘z ichiga olgan Nasdaq 100 indeksi 4 foizdan ko‘proq pasayishni ko‘rsatdi.