Moliya vazirligi O‘zbekistonda “oq” oyliklar (rasmiy ish haqi) miqdori bo‘yicha statistik ma’lumotlarni e’lon qildi.
Unga ko‘ra, 2022-yilda 5 299 400 mln nafar fuqaro o‘z oyligidan soliq to‘lagan. Ulardan 34,6 foizi – budjet, 65,4 foizi esa nobudjet tashkilotlar xodimlaridir.
Oyliklar kesimida o‘zbekistonliklarning ko‘pchiligi 1 million so‘mgacha bo‘lgan “oq” oylik oladi — 1 778 000 odam.
Ikkinchi o‘rinda 4 million so‘m va undan yuqori oylik oladiganlar — 1 239 800 nafar odam.
Keyingi o‘rinda esa 1 million so‘mdan 2 million so‘mgacha oylik oluvchi aholi — 1 197 500 nafar.
Shuningdek, 1 084 100 nafar kishi 2 milliondan 4 million so‘mgacha ish haqiga ega.
O‘sish bormi yoki yo‘q?
Yil boshidan beri jismoniy shaxslar daromadidan kelib tushadigan soliqlar 12,2 so‘mni tashkil qilgan, o‘sish ko‘rsatkichi 0,9 trln so‘mni tashkil qiladi.
2021-yilning iyun oyida ish haqidan soliq to‘laydiganlar soni 4 872 200 nafar bo‘lganini hisobga olsa, o‘sish 427 300 kishini tashkil qildi.
Izoh (0)