O‘zbekistonda 2022-yilning birinchi yarim yilligi uchun Davlat budjetining daromadlari 92,6 trln so‘mni tashkil etdi. Bu haqda Moliya vazirligi hisobotidan ma’lum bo‘ldi.
Joriy ko‘rsatkich 2021-yilning yanvar—iyun oylariga nisbatan 17,8 trln so‘m (+23,7 foiz) ko‘p bo‘ldi.
Soliq tushumlari 71 trln so‘mni yoki Davlat budjeti daromadlari umumiy hajmining 76,7 foizini tashkil etdi.
Bojxona tushumlari esa 21,5 trln so‘mni yoki umumiy ko‘rsatkichning 23,2 foiziini tashkil etdi.
Davlat budjeti daromadlarining YIMga nisbati joriy yilning birinchi yarim yilligida 24,5 foizni tashkil etdi va o‘tgan yilning shu davriga nisbatan 1 foiz punktga oshdi.
YIMga nisbatan ulushning oshishi asosan bilvosita soliqlardan daromadlar va soliq bo‘lmagan tushumlarning o‘sishi bilan izohlanadi.
Davlat budjeti daromadlari yarim yilda 2020-yili 58,2 trln, 2021-yili 74,8 trln so‘m bo‘lgan edi.
Izoh (0)