12-sentabrdan Moskva birjasida “O‘zbek so‘mi – Rossiya rubli” valyuta juftligi savdolari boshlanadi. Bu haqda auksion tashkilotchisining press-relizida xabar berildi.
Savdolar “bugun” va “ertaga” hisob-kitoblari bilan spot bozorda o‘tkaziladi.
Yangi valyuta juftligi bozorning professional ishtirokchilari, ularning mijozlari — jismoniy va yuridik shaxslarning, shu jumladan, tashqi iqtisodiy faoliyat subyektlarining savdo imkoniyatlarini kengaytiradi, — deyiladi Moskva birjasi press-relizida.
Moskva birjasi o‘zbek so‘mida savdolarni 27-iyunda boshlashi kerak edi. Biroq bu ayrim sabablarga ko‘ra amalga oshmadi.
Avvalroq Rossiyada oltin raqamli shaklda quyilishi rejalashtirilayotgani haqida xabar berilgan edi.
Izoh (0)