Ukraina Mustaqillik kuni arafasida Lvovda simfonik konsert bo‘lib o‘tdi. Kiyevda futbol bo‘yicha mamlakat chempionati boshlandi – Donetskning “Shaxtyor” va Xarkovning “Metalist” klublari tomoshabinlarsiz stadionda o‘ynadi. Hujumga uchrashda davom etayotgan Xarkovdagi avtobus bekatlarida yangi bombapanohlar ochildi. Donetskda o‘zini o‘zi mustaqil deb e’lon qilgan Donetsk xalq respublikasi ma’muriyati binosi, mehmonxona va turar joy binosi o‘qqa tutildi. Meduza urushning 181-kunining asosiy fotosuratlarini e’lon qildi.
Donetskning o‘qqa tutilishi oqibatlari
O‘qqa tutilgan “Markaziy” mehmonxonasining singan derazasi va uning ortida turgan ayol. Donetsk xalq respublikasi (DXR) rasmiylari otishmada Ukrainani aybladi. Ularning so‘zlariga ko‘ra, hujum jumladan Amerikaning HIMARS baravar o‘t ochuvchi tizimlaridan amalga oshirilgan. Ukraina OAVlarining yozishicha, bu Rossiyaning Ukraina mustaqillik kuni arafasida uyushtirgan provokatsiyasi bo‘lishi mumkin.Foto: Reuters
Donetsklik fuqaro “Markaziy” mehmonxonasi yaqinidagi vayronalarni tozalamoqda. Otishma oqibatida uch nafar tinch aholi vakili halok bo‘lgan, olti nafari yaralangan.Foto: Anadolu
Donetskdagi zarar yetgan turar joy kvartalida derazasi oldini tozalayotgan ayol. Shaharda DXR ma’muriyati joylashgan bino, jurnalistlar yashayotgan “Markaziy” mehmonxonasi va ko‘p qavatli uy o‘qqa tutilgan.Foto: Anadolu
Xarkovdagi bombapanohlar
Xarkovdagi yangi qurilgan bombapanoh bekat. 24-avgustga o‘tar kechasi shaharning ikki tumani o‘qqa tutildi, binolardan birida yong‘in boshlandi. Qurbonlar va jarohatlar haqida ma’lumot berilmagan.Foto: AFP
Xarkovdagi yangi bombapanohlardan birining ichki ko‘rinishi. Bu obyektlar jamoat transporti bekatining funksiyalarini ham bajaradi.Foto: AFP
Kiyevda Premer-liganing birinchi futbol uchrashuvi
Donetskning “Shaxtyor” va Xarkovning “Metalist” klubi o‘yinchilari futbol bo‘yicha milliy chempionatni ochib beruvchi o‘yinni boshlamoqda. Urush sababli chempionat o‘yinlari tomoshabinlarsiz o‘tkaziladi — stadionga faqat jamoa vakillari va rasmiy shaxslar kiritiladi. Aviahujum sodir bo‘lgan taqdirda, hakamlar o‘yinni darhol to‘xtatib, o‘yinchilarni xavfsiz joyga o‘tkazishi kerak.Foto: EPA
“Shaxtyor” o‘yinchilari Kiyevdagi “Olimpiyskiy” stadionida o‘yin oldidan mashq qilmoqda. Mavsumning birinchi o‘yinida “Shaxtyor” va “Metalist” klublari durang o‘ynadi, o‘yin 0:0 hisobida yakunlandi.Foto: EPA
Lvovda Ukraina Qurolli Kuchlarini qo‘llab-quvvatlash uchun xayriya konserti
Lugansk viloyat filarmoniyasining akademik simfonik orkestri avliyo Pyotr va Pavl garnizon cherkovida Ukraina Qurolli Kuchlarini qo‘llab-quvvatlashga bag‘ishlangan xayriya konsertini o‘tkazmoqda. Konsert Ukraina Mustaqillik kuni arafasida, shuningdek, keng ko‘lamli urush boshlanganidan olti oy o‘tib tashkil etildi.Foto: Getty Images
Izoh (0)