Yevropa komissiyasi tomonidan nazorat qilinadigan Yevropa qurg‘oqchilik observatoriyasi hisobotiga ko‘ra, 2022-yilda Yevropaning uchdan ikki qismi qurg‘oqchilikdan aziyat chekdi. Bu haqda Meduza nashri xabar bermoqda.
Yevropa hududining 47 foizi tuproq namligining tanqisligi tufayli inqiroz holatida, yana 17 foizi esa o‘simliklar va ekinlar zarar ko‘radigan xavotirli ahvolda.
Mualliflarning tadqiqotlariga ko‘ra, G‘arbiy Yevropa va O‘rta Yer dengizida noyabrgacha odatdagidan issiqroq va quruq ob-havo kuzatiladi.Yil boshidan buyon Yevropaning ko‘plab hududlarini qamrab olgan kuchli qurg‘oqchilik avgust oyida kengayishda va kuchayishda davom etmoqda, — deyiladi hisobotda.
Shuningdek, makkajo‘xori, soya va kungaboqar hosildorligi avvalgi besh yillik o‘rtacha ko‘rsatkichdan 16, 15 va 12 foiz past bo‘lishi prognoz qilinmoqda.
Yevrokomissiyaning hisobotni sharhlashicha, hozirgi qurg‘oqchilik kamida oxirgi 500 yil ichidagi eng yomoni bo‘lib qolmoqda.
Izoh (0)