Украина Мустақиллик куни арафасида Львовда симфоник концерт бўлиб ўтди. Киевда футбол бўйича мамлакат чемпионати бошланди – Донецкнинг «Шахтёр» ва Харьковнинг «Металист» клублари томошабинларсиз стадионда ўйнади. Ҳужумга учрашда давом этаётган Харьковдаги автобус бекатларида янги бомбапаноҳлар очилди. Донецкда ўзини ўзи мустақил деб эълон қилган Донецк халқ республикаси маъмурияти биноси, меҳмонхона ва турар жой биноси ўққа тутилди. Meduza урушнинг 181-кунининг асосий фотосуратларини эълон қилди.
Донецкнинг ўққа тутилиши оқибатлари
Ўққа тутилган «Марказий» меҳмонхонасининг синган деразаси ва унинг ортида турган аёл. Донецк халқ республикаси (ДХР) расмийлари отишмада Украинани айблади. Уларнинг сўзларига кўра, ҳужум жумладан Американинг HIMARS баравар ўт очувчи тизимларидан амалга оширилган. Украина ОАВларининг ёзишича, бу Россиянинг Украина мустақиллик куни арафасида уюштирган провокацияси бўлиши мумкин.Фото: Reuters
Донецклик фуқаро «Марказий» меҳмонхонаси яқинидаги вайроналарни тозаламоқда. Отишма оқибатида уч нафар тинч аҳоли вакили ҳалок бўлган, олти нафари яраланган.Фото: Anadolu
Донецкдаги зарар етган турар жой кварталида деразаси олдини тозалаётган аёл. Шаҳарда ДХР маъмурияти жойлашган бино, журналистлар яшаётган «Марказий» меҳмонхонаси ва кўп қаватли уй ўққа тутилган.Фото: Anadolu
Харьковдаги бомбапаноҳлар
Харьковдаги янги қурилган бомбапаноҳ бекат. 24 августга ўтар кечаси шаҳарнинг икки тумани ўққа тутилди, бинолардан бирида ёнғин бошланди. Қурбонлар ва жароҳатлар ҳақида маълумот берилмаган.Фото: AFP
Харьковдаги янги бомбапаноҳлардан бирининг ички кўриниши. Бу объектлар жамоат транспорти бекатининг функцияларини ҳам бажаради.Фото: AFP
Киевда Премер-лиганинг биринчи футбол учрашуви
Донецкнинг «Шахтёр» ва Харьковнинг «Металист» клуби ўйинчилари футбол бўйича миллий чемпионатни очиб берувчи ўйинни бошламоқда. Уруш сабабли чемпионат ўйинлари томошабинларсиз ўтказилади — стадионга фақат жамоа вакиллари ва расмий шахслар киритилади. Авиаҳужум содир бўлган тақдирда, ҳакамлар ўйинни дарҳол тўхтатиб, ўйинчиларни хавфсиз жойга ўтказиши керак.Фото: EPA
Львовда Украина Қуролли Кучларини қўллаб-қувватлаш учун хайрия концерти
Луганск вилоят филармониясининг академик симфоник оркестри авлиё Пётр ва Павл гарнизон черковида Украина Қуролли Кучларини қўллаб-қувватлашга бағишланган хайрия концертини ўтказмоқда. Концерт Украина Мустақиллик куни арафасида, шунингдек, кенг кўламли уруш бошланганидан олти ой ўтиб ташкил этилди.Фото: Getty Images
Изоҳ (0)