Afg‘onistonning TOLOnews nashri mamlakat Savdo-sanoat palatasiga (ACCI) tayanib, Moskva va Kobul o‘rtasidagi yillik tovar ayirboshlash hajmi 170 mln dollarga yetganini ma’lum qildi. Bu haqda “Kommersant” xabar bermoqda.
ACCI vakili Xon-Jan Alokozayning so‘zlariga ko‘ra, Afg‘oniston Rossiya bozorini afg‘on eksporti uchun mos deb biladi.
Afg‘oniston qishloq xo‘jaligi palatasi mamlakat Rossiya bilan barter mexanizmlari asosida savdo qilishni afzal ko‘rishini qo‘shimcha qildi.
Avvalroq Afg‘oniston Rossiya neft mahsulotlarini mayiz va dorivor o‘simliklarga ayirboshlamoqchiligi haqida xabar berilgan edi.
Mamlakat 2022-yil oxirigacha 1 mln tonnaga yaqin benzin va 1 mln tonna dizel yoqilg‘isi yetkazib berish bo‘yicha Rossiya bilan kelishuvga erishmoqchi.
Rossiya neft mahsulotlari evaziga Afg‘oniston foydali qazilmalarni taklif qilishi mumkin.
Bundan tashqari, bizda quritilgan mevalar, mayiz va dorivor o‘tlar bor, Afg‘oniston tarixan Rossiyaga katta hajmdagi mayiz yetkazib bergan. Dorivor o‘tlarning narxi hozir juda yuqori va Rossiya dori uchun bunday xom ashyoga muhtoj. Biz esa ulardan barter savdosida foydalanishimiz mumkin, — deydi Afg‘oniston sanoat va savdo vazirligi rahbari Nuriddin Aziziy.
Afg‘oniston Sanoat va savdo vazirligi delegatsiyasi 14-avgustdan buyon Rossiyada bo‘lib turibdi.
O‘zbekiston va Afg‘oniston o‘rtasidagi savdo aylanmasi 2021-yilga ko‘ra 656 mln dollarni tashkil etadi. Bu Rossiya bilan solishtirganda 3,9 barobar ko‘pdir.
Izoh (0)