“Afrika shoxida” (Efiopiya, Keniya va Somali) 22 millionga yaqin odam davom etayotgan qurg‘oqchilik tufayli ochlik yoqasida turibdi. Bu haqda BMT Jahon oziq-ovqat dasturida ma’lum qilingan.
Yil boshidan beri Efiopiya, Keniya, Somalida yana 9 million kishi oziq-ovqat tanqisligidan aziyat chekdi. 22 million kishi esa o‘zini yetarli oziq-ovqat bilan ta’minlash muammosiga duch kelmoqda, — deyiladi bayonotda.
Ma’lumotlarga ko‘ra, mintaqa mamlakatlarida chorva mollari nobud bo‘lmoqda, aholi o‘tkir suv tanqisligini boshdan kechirmoqda, 1,1 milliondan ortiq odam o‘z uyini tashlab ketishga majbur bo‘lgan.
Tashkilotning ta’kidlashicha, mintaqada qurg‘oqchilik hali tugamagani uchun kelgusi olti oyda mahalliy aholining o‘sib borayotgan ehtiyojlarini qondirish uchun yana 418 million dollarga yaqin mablag‘ kerak.
Hozirda dunyoda 345 million kishi oziq-ovqat yetishmovchiligiga duch kelmoqda va 800 milliondan ortiq kishi har kecha och uxlab yotadi.
Tashkilotga ko‘ra, ochlikning asosiy sabablari: harbiy mojarolar, iqlim shoklari, COVID-19 pandemiyasining oqibatlaridir.
Avvalroq nega Sharqiy Afrika dahshatli ocharchilikka duch kelayotgani haqida xabar berilgandi.
Izoh (0)