Афғонистоннинг TOLOnews нашри мамлакат Савдо-саноат палатасига (ACCI) таяниб, Москва ва Кобул ўртасидаги йиллик товар айирбошлаш ҳажми 170 млн долларга етганини маълум қилди. Бу ҳақда «Коммерсантъ» хабар бермоқда.
АCCИ вакили Хон-Жан Алокозайнинг сўзларига кўра, Афғонистон Россия бозорини афғон экспорти учун мос деб билади.
Афғонистон қишлоқ хўжалиги палатаси мамлакат Россия билан бартер механизмлари асосида савдо қилишни афзал кўришини қўшимча қилди.
Аввалроқ Афғонистон Россия нефть маҳсулотларини майиз ва доривор ўсимликларга айирбошламоқчилиги ҳақида хабар берилган эди.
Мамлакат 2022 йил охиригача 1 млн тоннага яқин бензин ва 1 млн тонна дизель ёқилғиси етказиб бериш бўйича Россия билан келишувга эришмоқчи.
Россия нефть маҳсулотлари эвазига Афғонистон фойдали қазилмаларни таклиф қилиши мумкин.
Бундан ташқари, бизда қуритилган мевалар, майиз ва доривор ўтлар бор, Афғонистон тарихан Россияга катта ҳажмдаги майиз етказиб берган. Доривор ўтларнинг нархи ҳозир жуда юқори ва Россия дори учун бундай хом ашёга муҳтож. Биз эса улардан бартер савдосида фойдаланишимиз мумкин, — дейди Афғонистон саноат ва савдо вазирлиги раҳбари Нуриддин Азизий.
Афғонистон Саноат ва савдо вазирлиги делегацияси 14 августдан буён Россияда бўлиб турибди.
Ўзбекистон ва Афғонистон ўртасидаги савдо айланмаси 2021 йилга кўра 656 млн долларни ташкил этади. Бу Россия билан солиштирганда 3,9 баробар кўпдир.
Изоҳ (0)