Rossiya iqtisodiyoti misli ko‘rilmagan tashqi bosim sharoitida o‘zini G‘arb tahlilchilari bashorat qilganidan ham barqarorroq ekanligini ko‘rsatdi. Bu haqda Financial Times’ga tayanib “TASS” xabar bermoqda.
Xususan, nashr e’tiborni Ukraina va Rossiya o‘rtasidagi urush boshlanganidan so‘ng “kapital harakatini nazorat qilish choralarini kiritgan va asosiy stavkani keskin oshirgan” Rossiya Markaziy bankining harakatlariga qaratgan.
Bundan tashqari, energiya resurslari narxining oshishi va yonilg‘ining Xitoy, Hindiston va Turkiyaga yetkazib berish hajmining ko‘payishi Yevropa davlatlarining Rossiyadan gaz va neftdan voz kechish urinishlarini barbod qildi.
FT, shuningdek, bir qator G‘arb kompaniyalari Rossiyada faoliyatini davom ettirayotganini va Rossiya bozorini tark etishga qaror qilganlar o‘z aktivlarini mahalliy ishbilarmonlarga sotishganini, shu sababli korxonalarning o‘zi hamon faoliyat yuritayotganini qo‘shimcha qildi.
Shu bilan birga, nashr uzoq muddatda Rossiya iqtisodiyoti Xitoy yoki Moskvaning boshqa hamkorlari taklif qila olmaydigan G‘arb texnologiyalaridan foydalanish imkoniyati yo‘qligi sababli jiddiy qiyinchiliklarga duch kelishi mumkinligini taxmin qilgan.
Tanqidchilar fikriga ko‘ra, sanksiyalar Rossiyadan ko‘ra Yevropaga ko‘proq zarar yetkazmoqda.
Izoh (0)