Jahon sog‘liqni saqlash tashkiloti Yer yuzida maymunchechak tarqalishi bilan bog‘liq navbatdagi hisobotini e’lon qildi. Bu haqda “Kommersant” nashri xabar bermoqda.
Jahon sog‘liqni saqlash tashkiloti (JSST) bosh direktori Tedros Adhanom Gebreyesusning ma’lum qilishicha, oxirgi haftada 7,5 mingga yaqin maymunchechak kasalligi aniqlangan. Bu bir hafta oldingiga nisbatan 20 foizga ko‘p. Umuman olganda, dunyoning 92 ta mamlakat va hududida 35 mingdan ortiq odam maymunchechak kasalligiga chalingan. Ulardan 12 nafarida o‘lim holati qayd etilgan.
2022-yil bahoridan boshlab maymunchechak bilan kasallanish ko‘paymoqda. Eng ko‘p holatlar AQSH, Ispaniya, Buyuk Britaniya, Germaniya va Fransiyada aniqlangan. Iyul oyida esa Rossiyada kasallikning birinchi va hozircha yagona holati qayd etildi.
Mavzuga doir: Xitoyda genipavirusning yangi turi aniqlandi. Kasallanganlar 35 nafarga yetgan
Izoh (0)