Finlyandiya Tashqi ishlar vazirligi rahbari Pekka Haavistoning ma’lum qilishicha, sentabr oyidan mamlakat rossiyaliklar uchun turistik vizalar berishni joriy ko‘rsatkichning o‘ndan bir qismigacha qisqartirish niyatida. Bu haqda Meduza nashri xabar bermoqda.
Biz oddiy sayyohlik vizalari kamroq beriladigan modelni tayyorladik, bunda oilaviy sharoitga hamda ishlayotgan yoki o‘qiyotganlarga ustunlik beradi”, — dedi vazir.Finlyandiya TIV konsullik bo‘limi boshlig‘i Yussi Tannerning aytishicha, rossiyaliklardan hozirda kuniga o‘rtacha mingta viza arizasi kelib tushmoqda. Biroq rejaga ko‘ra 500 ta ariza qabul qilinadi, ulardan faqat 100 tasi turistik vizalar uchun ajratiladi.
Bundan tashqari, Pekka Haavisto Finlyandiya Rossiya bilan viza tartibini soddalashtirish bo‘yicha kelishuvning to‘xtatilishini qo‘llab-quvvatlashini ta’kidlagan.
Shuningdek, TIV rossiyaliklar uchun maxsus gumanitar vizalar joriy etish imkoniyatini ko‘rib chiqayotganini aytdi.
Mavzuga doir: Finlyandiya parlamenti veb-saytiga xakerlar tomonidan buzib kirildi
Izoh (0)