Qirg‘iziston sobiq prezidentlarining dang‘illama uylarida bolalar uchun reabilitatsiya markazlari ochiladi

Qirg‘iziston sobiq prezidentlari Qurmanbek Bakiyev va Almazbek Atambayevning hashamatli uylarida kecha-yu kunduz ishlaydigan bolalar reabilitatsiya markazlari ochiladi. Bu haqda mamlakatning Mehnat, ijtimoiy himoya va migratsiya vazirligiga tayanib, “24.kg” xabar berdi.

Vazirlikning qayd etishicha, Qirg‘izistonda 200 mingga yaqin nogironlar istiqomat qiladi, ulardan 35 ming nafari 18 yoshgacha bo‘lgan bolalardir.

“Mamlakatda barcha nogironlarni reabilitatsiya xizmatlari bilan to‘liq ta’minlashda qiyinchiliklar mavjud. Shu sababli sobiq prezidentlar Qurmanbek Bakiyevning Jibek Joli prospektidagi uyi va Almazbek Atambayevning Qo‘y-Tosh qishlog‘idagi uyi binolarida kecha-yu kunduz ishlaydigan bolalar reabilitatsiya markazlari ochiladi”, — deyiladi vazirlik xabarida.

Avval Almazbek Atambayevning Qo‘y-Tosh qishlog‘idagi uyi davlat tasarrufiga o‘tkazilgan edi.

Mavzuga doir: Qirg‘izistonning sudlangan sobiq rahbari Atambayev tarafdorlari uning davolanishi uchun Rossiyaga qo‘yib yuborilishini so‘ramoqda