Turkiya va Isroil munosabatlardagi bir necha yillik keskinlikdan so‘ng har ikki mamlakat elchi va bosh konsullarini qaytarib, diplomatik aloqalarni to‘liq tikladi. Bu haqda “Interfaks” xabar bermoqda.
Turkiya bilan munosabatlarning tiklanishi mintaqaviy barqarorlikka qo‘shilgan muhim hissa va Isroil fuqarolari uchun o‘ta muhim iqtisodiy boylikdir, — degan Isroil bosh vaziri Yair Lapid.Turkiya tashqi ishlar vaziri Mavlut Chavusho‘g‘li, o‘z navbatida, Turkiya va Isroil “munosabatlarni normallashtirish” maqsadida elchi almashishga kelishib olganini tasdiqladi. Shu bilan birgalikda, Anqara falastinliklarni qo‘llab-quvvatlashda davom etishini ham qo‘shimcha qildi.
Bundan tashqari, yaqin kelajakda tomonlar iqtisodiy hamkorlikka bag‘ishlangan uchrashuv o‘tkazadi, deydi Chavusho‘g‘li.
Ma’lum bo‘lishicha, o‘z navbatida, bu qaror Lapidning Turkiya prezidenti Rajab Toyyib Erdo‘g‘on bilan yaqinda bo‘lgan telefon suhbatidan so‘ng qabul qilinganini ta’kidlagan.
Eslatib o‘tamiz, 2018-yilning may oyida Turkiya o‘z elchisini chaqirib olib, Isroil elchisidan Isroil—G‘azo chegarasidagi zo‘ravonlik va tartibsizliklar ortidan Turkiyani tark etishini talab qilgan edi. Keyin tomonlar bir-birlarini keskin tanqid ostiga oldi, buning ortidan kelishmovchiliklar paydo bo‘ldi.
Izoh (0)