Rossiya va Qozog‘iston prezidentlari Vladimir Putin hamda Qosim-Jo‘mart To‘qayev 19-avgust kuni Sochida uchrashadi, deb xabar qildi “TASS” Kreml matbuot xizmatiga tayanib.
“Muntazam oliy darajadagi muloqotning davomi sifatida Rossiya—Qozog‘iston strategik sheriklik va hamkorlik munosabatlarini yanada rivojlantirish masalalarini muhokama qilish rejalashtirilgan”, — deyiladi xabarda.
Bundan tashqari, Kremlning qo‘shimcha qilishicha, integratsiya birlashmalari, jumladan, Qozog‘iston joriy yilda raislik qilayotgan Mustaqil davlatlar hamdo‘stligi doirasidagi ikki tomonlama hamkorlik masalasiga ham to‘xtalib o‘tiladi.
Avval prezidentlar iyun oyida Sankt-Peterburgda shaxsan uchrashgan, o‘shanda To‘qayev Sankt-Peterburg Xalqaro iqtisodiy forumida ishtirok etgan edi. Shu bilan birga, iyul oyida Rossiya va Qozog‘iston rahbarlari telefon orqali muloqot qilib, savdo-iqtisodiy va energetika sohalarida loyihalarni izchil amalga oshirishga sodiq ekanliklarini ta’kidlagan.
Izoh (0)