Britaniyada ish haqi va mehnat sharoitlari bo‘yicha uzoq davom etgan bahs doirasida o‘n minglab transport xodimlari to‘rt kunlik ish tashlashni boshladi. Bu haqda Sky News xabar bermoqda.
Namoyishlarda Temiryo‘l va dengiz transporti kasaba uyushmasi (RMT), Transport xodimlari assotsiatsiyasi (TSSA) va Unite kasaba uyushmasi a’zolari ishtirok etmoqda.
Qayd etilishicha, yaqin kunlarda poyezd, metropoliten va avtobus yo‘lovchilari muammolarga duch keladi.
Xususan, 18- va 20-avgust kunlari temir yo‘l harakati 80 foizga qisqaradi: liniyalarning yarmi yopiladi. 19-avgust kuni esa London metrosi ishida va avtobus yo‘nalishlarida uzilishlar bo‘lishi kutilmoqda.
Namoyishlar 21-avgust kuni ertalab poyezdlar harakatiga ham ta’sir qilishi kutilmoqda.
Britaniyadagi transport kasaba uyushmalari majburiy ishdan bo‘shatmaslik, ish haqini oshirish va mehnat sharoitlarini bir tomonlama o‘zgartirmaslik kafolatlarini olishga intilmoqda.
Eslatib o‘tamiz, Buyuk Britaniyada transport xodimlarining avvalgi yirik ish tashlashi 27-iyul kuni bo‘lib o‘tgandi. O‘shanda 40 ming kishi ko‘chaga chiqqan.
Izoh (0)