Ijtimoiy tarmoqlarda Toshkent shahrining Olmazor tumani Kichik halqa yo‘li ko‘chasida joylashgan manzilda bir tup daraxtning tag qismi ochilib, uning ildiz qismiga zarar yetkazilgani to‘g‘risida xabar tarqaldi. Davlat Ekologiya qo‘mitasi e’lon qilingan murojaat yuzasidan o‘rganish ishlari olib bordi.
Qayd etilishicha, o‘rganishlar davomida ko‘rsatib o‘tilgan manzilda holat o‘z tasdig‘ini topgan. Shu yerda faoliyat olib borayotgan “Chorvoq Bizness 700” MCHJ xodimi tomonidan bir tup daraxtga zarar yetkazilgani ma’lum bo‘lgan.
Holat yuzasidan belgilangan tartibda ma’muriy bayonnoma rasmiylashtirilib, jarima belgilangan.
“Hozirda daraxt ildizlarini agrotexnik tadbirlar asosida parvarishlash va tuproq bilan ko‘mish ishlari olib borilmoqda”, — deyiladi xabarda.
Izoh (0)