Telegram’dagi “Ekologuz” kanali jamoadagi bir qancha xodimlarining Davlat ekologiya qo‘mitasi Telegram-kanaliga kirishi cheklangani, qo‘mita xodimlarni bloklagani haqida xabar qildi. Ekoqo‘mita matbuot xizmati holat bo‘yicha tushuntirish bilan chiqdi.
“Ekologuz” jamoasi rahbari Nargiza Qosimova “Daryo” muxbiri bilan suhbatda 2 nafar xodimning kanalga kirishi cheklanganini aytib, bu holat nega yuz berganini tushunmasligini bildirdi.
Ma’lumot uchun, kuni kecha, 13-avgust kuni yuqoridagi “Ekologuz” jamoasi Davlat ekologiya qo‘mitasi rahbari Narzullo Oblomurodov bir vaqtning o‘zida 4-5 ta mashinadan foydalanishi haqidagi xabarlar bo‘yicha post e’lon qilib, unda:
Shu mashinalarning hech bo‘lmasa bittasining puliga musodara qilingan hayvon va qushlar uchun reabilitatsiya markazi qurilsa, qolganlarini sotib, cho‘lda yurganda ehtiyot qismlari tushib qoladigan mashinalar o‘rniga ekoinspektorlarga avtoulov yoki bir-biridan ijaraga olinib ishlatiladigan fotoqopqonlar, sputnik ratsiyalar olinsa bo‘larmidi?, — deya yozgan edi.
Ha, negadir shunga to‘g‘ri kelyapti. Shu paytgacha bloklanmagan edik. Bu holat texnik xatolikmi yoki atayin qilinganmi, hali bilolmadik.Ekologiya va atrof-muhitni muhofaza qilish davlat qo‘mitasi matbuot xizmati esa qo‘mitaning rasmiy Telegram-kanali hech kim uchun bloklanmaganini ma’lum qildi. Qayd etilishicha, texnik sabablarga ko‘ra nosozlik yuzaga kelgan.Shu paytgacha bunday holat sodir bo‘lmagan. Kanalimizga kelib tushayotgan murojaatlarga qo‘mita va uning viloyat boshqarmalari munosabat berib, muammolarni bartaraf etib kelgan.
Balki texnik xatolikdir. Ammo mana shu xatolik aynan kechagi voqealarga to‘g‘ri kelishi — ajablanarli.
Hozirgi vaqtda ushbu muammoni bartaraf etish bo‘yicha tegishli choralar ko‘rilmoqda.Shu munosabat bilan, foydalanuvchilarimizdan texnik nosozliklar bartaraf etilgunga qadar tekshirilmagan ma’lumotlarni tarqatmaslikni iltimos qilamiz, — deyiladi xabarda.
Izoh (0)