Ижтимоий тармоқларда Тошкент шаҳрининг Олмазор тумани Кичик ҳалқа йўли кўчасида жойлашган манзилда бир туп дарахтнинг таг қисми очилиб, унинг илдиз қисмига зарар етказилгани тўғрисида хабар тарқалди. Давлат Экология қўмитаси эълон қилинган мурожаат юзасидан ўрганиш ишлари олиб борди.
Қайд этилишича, ўрганишлар давомида кўрсатиб ўтилган манзилда ҳолат ўз тасдиғини топган. Шу ерда фаолият олиб бораётган «Чорвоқ Бизнесс 700» МЧЖ ходими томонидан бир туп дарахтга зарар етказилгани маълум бўлган.
Ҳолат юзасидан белгиланган тартибда маъмурий баённома расмийлаштирилиб, жарима белгиланган.
«Ҳозирда дарахт илдизларини агротехник тадбирлар асосида парваришлаш ва тупроқ билан кўмиш ишлари олиб борилмоқда», — дейилади хабарда.
Изоҳ (0)