Ijtimoiy tarmoqlarda Surxondaryo viloyati Sariosiyo tumani xalq ta’lim bo‘limi mudiri hududdagi maktablardan birining direktorini haqorat qilgani haqida xabarlar tarqaldi. Viloyat prokuraturasi holatga munosabat bildirdi.
Qayd etilishicha, A.B. ismli mudir 65-umumta’lim maktabi direktori N.X.ni haqorat qilgani bilan bog‘liq tarqalgan audioyozuv tuman prokuraturasi va xalq ta’limi vazirining Nazorat-huquqiy xizmati hamkorligida o‘rganilgan.
O‘rganishda bo‘lim mudiri A.B. maktab direktori N.X.ni uning xizmat vazifalari bilan bog‘liq bo‘lmagan holda jamiyatdagi mavjud odob-axloq qoidalariga rioya qilmagani uchun turli so‘zlar bilan haqorat qilib, uning sha’ni va qadr-qimmatini qasddan kamsitgani ma’lum bo‘lgan.
Holat yuzasidan tuman prokuraturasi tomonidan A.B.ga nisbatan Ma’muriy javobgarlik to‘g‘risidagi kodeksning 41-moddasi (haqorat) bilan ish qo‘zg‘atilib, ko‘rib chiqish uchun jinoyat ishlari bo‘yicha Sariosiyo tuman sudiga yuborilgan.
Jinoyat ishlari bo‘yicha Sariosiyo tuman sudining 12-avgustdagi qaroriga ko‘ra, A.B. yuqoridagi huquqbuzarlikni sodir etganlikda aybli deb topilgan.
Izoh (0)