Toshkent viloyatida erkak tomorqasi va tuvaklarda giyohvandlik o‘simligi yetishtirib kelgani aniqlandi (video)

Toshkent viloyatining Qibray tumanida giyohvandlik o‘simligi yetishtirib kelgan erkak ushlandi. Bu haqda viloyat IIBB matbuot xizmati xabar berdi.

“Qoradori-2022” doirasida 12-avgust kuni o‘tkazilgan nazorat-reyd tadbirlarida tumanning “A.Jomiy” mahallasida yashovchi fuqaro S.SH.ning (1992 yilda tug‘ilgan) yashash xonadoni xolislar ishtirokida ko‘zdan kechirilganda giyohvandlik o‘simligi yetishtirib kelgani ma’lum bo‘lgan.

Ko‘zdan kechirish davomida xonadon yerto‘lasida yashirin holda saqlangan o‘tkir hidli giyohvand moddaga o‘xshash modda hamda xonadon tomorqasida va tuvaklarga ekilgan jami 20 tup giyohvandlik o‘simligi yetishtirib (parvarishlab) kelayotganligi aniqlanib, fuqaro protsessual tartibda ushlangan.

Holat yuzasidan tegishli hujjatlar rasmiylashtirilib, ekspertiza tayinlangan.

Mavzuga doir:

• Farg‘onada uyida 5 kg nasha va salkam 8 kg ko‘knori saqlab kelgan fuqaro ushlandi
• Urganchda xonadonida kannabis yetishtirgan shaxs aniqlandi