Жорий йилнинг дастлабки тўрт ойи давомида дунёдаги энг йирик компания ва корпорациялар етти чоракда биринчи марта даромадлари пасайган. Бу ҳақда Япониянинг Nikkei нашри нашр буюртмаси бўйича Quick FactSet ўтказган тадқиқотига таяниб хабар бермоқда.
Тадқиқот натижаларига кўра, жами бозор капиталлашувининг қарийб 80 фоизини ташкил этувчи Япония, АҚШ, Европа ва Хитойдаги энг яхши 4,5 мингта компаниянинг умумий фойдаси жорий йилнинг апрель—июнь ойларида 7 фоизга камайиб, 849,3 млрд долларни ташкил этган.
Фойданинг пасайиши қуйидаги соҳаларда кузатилган:
- Авто — 29 фоизга;
- Электроника — 18 фоизга;
- Маиший техника — 4 фоизга.
Компаниялар фойдасининг пасайиши 2020 йилнинг июль—сентябрь ойларидан бери биринчи бўлди.
Бунинг асосий сабаблари — энергия нархининг ошиши ва Хитойнинг бир қатор шаҳарларида коронавирус тарқалиши фонида блокировкаларнинг жорий этилиши.
Бироқ, даромаднинг етти чорак ичида биринчи марта пасайишига қарамай, дунёдаги энг йирик компанияларнинг даромадлари даражаси 2019 йилнинг шу даврига нисбатан ўртача 40 фоизга юқори бўлди.
Мутахассисларнинг фикрича, жорий йилнинг июль—сентябрь ойларида компаниялар фойданинг 12 фоизга ўсишига эришади.
Март ойида Bloomberg АҚШ Савдо вазирлиги маълумотларига таяниб, 2021 йилда АҚШ компанияларининг умумий рентабеллиги 35 фоизга ошгани ҳақида хабар берган эди.
Бу кўрсаткич сўнгги 70 йилдаги рекорд бўлди. Тўрт чорак давомида компаниянинг маржаси (фойда-даромад нисбати) 13 фоиздан ошди, бу 1950 йилдан бери энг юқори кўрсаткичдир.
Изоҳ (0)