IT Park 13 yoshida oyiga 500 dollar topadigan yigit haqida hikoya qildi

IT Park yosh mutaxassis bo‘la turib ham yaxshigina daromad topish mumkinligini isbotlagan yoshlarning hikoyalarini chop etishda davom etmoqda.

Bu galgi qahramon – Salohiddin Fayzullayev – imkoniyati cheklangan yigit.

Salohiddin Namangan viloyati Chortoq tumanida tug‘ilgan. 12 yoshida u “Chortoq IT School” o‘quv markazida veb-dasturlash kursida qatnashib, IT sohasiga birinchi qadamini tashladi.

Kursni muvaffaqiyatli tamomlagandan so‘ng Salohiddin o‘zining birinchi daromadini oldi – u o‘z hududidagi tadbirkorlar uchun veb-saytlar yaratdi.

Hozir u 13 yoshda va mustaqil frilanser. Bugungi kunga qadar u 20 dan ortiq saytni muvaffaqiyatli ishga tushirdi, biroq yosh mutaxassis bu bilan to‘xtab qolmoqchi emas.

Salohiddinning oylik daromadi 500 dollar va bu miqdor o‘sishda davom etmoqda.

Avvalroq qizlar uchun Skills4Girls trening dasturi ishga tushirilgani haqida xabar berilgandi.