IT Park 13 ёшида ойига 500 доллар топадиган йигит ҳақида ҳикоя қилди

IT Park ёш мутахассис бўла туриб ҳам яхшигина даромад топиш мумкинлигини исботлаган ёшларнинг ҳикояларини чоп этишда давом этмоқда.

Бу галги қаҳрамон – Салоҳиддин Файзуллаев – имконияти чекланган йигит.

Салоҳиддин Наманган вилояти Чортоқ туманида туғилган. 12 ёшида у «Chortoq IT School» ўқув марказида веб-дастурлаш курсида қатнашиб, IT соҳасига биринчи қадамини ташлади.

Курсни муваффақиятли тамомлагандан сўнг Салоҳиддин ўзининг биринчи даромадини олди – у ўз ҳудудидаги тадбиркорлар учун веб-сайтлар яратди.

Ҳозир у 13 ёшда ва мустақил фрилансер. Бугунги кунга қадар у 20 дан ортиқ сайтни муваффақиятли ишга туширди, бироқ ёш мутахассис бу билан тўхтаб қолмоқчи эмас.

Салоҳиддиннинг ойлик даромади 500 доллар ва бу миқдор ўсишда давом этмоқда.

Аввалроқ қизлар учун Skills4Girls тренинг дастури ишга туширилгани ҳақида хабар берилганди.