Rossiyada avtomobil ishlab chiqarish 30 barobar qisqardi va deyarli to‘xtab qoldi. Ko‘rsatkichlar 1940-yilgi darajaga tushib ketdi. Bu haqda “vc.ru” xabar bermoqda.
2022-yil may oyida Rossiyada yengil avtomobillar ishlab chiqarish keskin kamayib ketdi.
Agar 2021-yilda yangi avtomobillarning oylik o‘rtacha soni 114 mingtani tashkil etgan bo‘lsa, 2022-yilning may oyida bu ko‘rsatkich atigi 3,7 ming donani tashkil etdi.
Avtomobil ishlab chiqairsh o‘tgan yilga nisbatan 30 barobarga qisqardi.
Rossiya va Ukraina o‘rtasidagi urush yengil avtomobillar ishlab chiqaradigan ko‘plab korxonalar faoliyatining cheklanishiga yoki to‘xtab turishiga ta’sir ko‘rsatdi.
Rasmiy ma’lumotlarga ko‘ra, 2022-yil may oyida Rossiyada 2005-yildan beri eng kam yengil avtomobillar ishlab chiqarilgan (ma’lumotlar shundan boshlab chop etila boshlangan.)
Yillik qiymatlarni hisobga oladigan bo‘lsak, 80 yil oldin, 1940-yillarda, yiliga 5-50 ming avtomobil ishlab chiqarilgan edi.
Izoh (0)