O‘zbekistonning tarixiy shaharlari virtual reallikka o‘tkazilmoqda

Hozirgi kunda Innovatsion rivojlanish vazirligi ko‘plab startap loyihalarni moliyalashtirmoqda. Ulardan biri Real history loyihasidir.

Wolfsofts tomonidan Xorazm viloyatida amalga oshirilayotgan ushbu loyiha O‘zbekistonning turistik shaharlarini 3D, VR-Box modellarini yaratishga asoslangan startapdir.

Loyiha Innovatsion rivojlanish vazirligi tomonidan deyarli 1 mlrd so‘mga baholangan.

Uning amalga oshirilishi natijasida taqdim qilinadigan uskuna orqali qadim shaharlarga virtual sayohat qilish imkoniyati yaratiladi.

Bundan asosiy maqsad esa, moziyga sayohat qilish realligini oshirish va o‘tmish bilan yaqinroq tanishish imkoniyatini taqdim etishdir.

[/video]

Loyiha doirasida 15 nafar yosh mutaxassislar faoliyat yuritmoqda. U nafaqat o‘zbekistonliklarni, balki chet elliklarni ham qamrab olishi ko‘zda tutilmoqda.

Avvalroq UzVC Milliy venchur fondi ilk startapini 100 ming dollarga moliyalashtirgani haqida xabar berilgandi.