Россияда автомобиль ишлаб чиқариш 30 баробар қисқарди ва деярли тўхтаб қолди. Кўрсаткичлар 1940 йилги даражага тушиб кетди. Бу ҳақда «vc.ru» хабар бермоқда.
2022 йил май ойида Россияда енгил автомобиллар ишлаб чиқариш кескин камайиб кетди.
Агар 2021 йилда янги автомобилларнинг ойлик ўртача сони 114 мингтани ташкил этган бўлса, 2022 йилнинг май ойида бу кўрсаткич атиги 3,7 минг донани ташкил этди.
Автомобиль ишлаб чиқаирш ўтган йилга нисбатан 30 баробарга қисқарди.
Россия ва Украина ўртасидаги уруш енгил автомобиллар ишлаб чиқарадиган кўплаб корхоналар фаолиятининг чекланишига ёки тўхтаб туришига таъсир кўрсатди.
Расмий маълумотларга кўра, 2022 йил май ойида Россияда 2005 йилдан бери энг кам енгил автомобиллар ишлаб чиқарилган (маълумотлар шундан бошлаб чоп этила бошланган.)
Йиллик қийматларни ҳисобга оладиган бўлсак, 80 йил олдин, 1940 йилларда, йилига 5-50 минг автомобиль ишлаб чиқарилган эди.
Изоҳ (0)