Tesla kompaniyasi 2022-yilning ikkinchi choragida butun dunyo bo‘ylab 254 695 ta elektromobil yetkazib berdi. Bu haqda Bloomberg xabar berdi.
Kompaniya ikki yildan beri birinchi marta chorakdan chorakka pasayish ko‘rsatdi. Bu esa Shanxaydagi zavodda COVID bilan bog‘liq ishlab chiqarish jarayonining to‘xtatilishi oqibatida yuzaga keldi.
Uch oy oldin Tesla rekord darajada 310 048 ta elektromobil yetkazib bergan edi. O‘tgan yilning shu choragida bu ko‘rsatkich 201 250 ta edi.
Yetkazib berish ma’lumotlari Tesla uchun diqqat bilan kuzatiladigan ko‘rsatkichdir, chunki u kompaniyaning moliyaviy ko‘rsatkichlari haqida ma’lumot beradi.
Tesla bosh ijrochi direktori Ilon Mask yil boshida 2022-yilda ishlab chiqarish 1,5 mln donadan oshishini kutayotganini aytgan edi.
Elektromobil ishlab chiqaruvchisi uchun AQSH va Xitoy uzoq vaqtdan beri eng yirik bozor bo‘lib kelmoqda.
Kompaniya hozirda Model S, X, 3 va Y avtomobillarini ishlab chiqaradi. Tesla keyinchalik pikap, yarim yuk mashinasi va yo‘ltanlamas ishlab chiqarishni yo‘lga qo‘yishni rejalashtirmoqda.
Tesla ikkinchi choragi bo‘yicha to‘liq hisobotni 20-iyul kuni e’lon qiladi.
Izoh (0)