Qashqadaryo viloyati hokimiga yangi o‘rinbosar tayinlandi. Bu haqda viloyat hokimligi axborot xizmati xabar berdi.
Ma’lum bo‘lishicha, Kitob tumanining sobiq hokimi Alisher Zokirov viloyat hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari — viloyat turizm va madaniy meros bosh boshqarmasi boshlig‘i sifatida ish boshlagan.
Alisher Zokirov 1976-yilda tug‘ilgan bo‘lib, Jahon iqtisodiyoti va diplomatiya universitetini, Toshkent davlat iqtisodiyot universiteti va O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.
Viloyat hokimligi axborot xizmati rahbari Ahror Sodiqovning “Daryo”ga qo‘shimcha qilishicha, 2021-yil aprel oyidan beri Qashqadaryo hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari — viloyat turizm va madaniy meros bosh boshqarmasi boshlig‘i sifatida ishlab kelgan Azamat Avazov sog‘lig‘idagi muammolar sabab o‘z xohishiga ko‘ra ishdan bo‘shash haqida ariza yozgan.
Avvalroq Kitob tumaniga O‘ktam Pardayev hokim etib tayinlangani ma’lum qilingandi.
Izoh (0)